Ուկրաինան ռուսական գազ կստանա դեկտեմբերի 11-ից
ZN.UA-ի փոխանցմամբ՝ Ուկրաինան ներկայացնելու է դեկտեմբերի 11-ից Ռուսաստանից գազի մատակարարման վերականգնման մասին հայտ: Այս մասին հայտարարել է «Ուկրտրանսգազ» ընկերությունը: Վերջինս, սակայն, չի մանրամասնել, թե որքան է կազմելու գազի օրական ներկրման ծավալը:
«Ուկրաինայի Նավթոգազ» ընկերությունը դեկտեմբերի 5-ին «Գազպրոմին» վճարել է 378 միլիոն դոլարի կանխավճար՝ 2014 թվականի դեկտեմբերին 1 միլիարդ խորանարդ մետր գազ մատակարարելու համար: «Գազպրոմը» հաստատել է այդ փոխանցումը՝ հայտարարելով, որ սպասում է ուկրաինական կողմից համապատասխան հայտի ներկայացմանը:
