ՌԴ Պետդուման ԵՏՄ-ին Հայաստանի միանալու մասին պայմանագիրը քննարկելու է դեկտեմբերի 10-ին. Regnum
Ռուսական Regnum լրատվական գործակալության փոխանցմամբ՝ Ռուսաստանի Պետդուման ԵՏՄ-ին Հայաստանի միանալու մասին պայմանագիրը քննարկելու է դեկտեմբերի 10-ի լիագումար նիստում:
Այս մասին գործակալությանն այսօր հայտնել են Պետդումայի ապարատից: Ռուսաստանի նախագահ Վլադիմիր Պուտինը ԵՏՄ-ին Հայաստանի միանալու մասին պայմանագիրը Պետդումայի վավերացմանն է ներկայացրել դեկտեմբերի 2-ին:
Փաստաթուղթը ստորագրվել է 2014 թվականի հոկտեմբերի 10-ին, Մինսկում՝ Հայաստանի, Ռուսաստանի, Բելառուսի ու Ղազախստանի նախագահների կողմից: Դեկտեմբերի 4-ին պայմանագիրը վավերացրել է Հայաստանի խորհրդարանը:
