Բալթիկ ծովում ռուսական ռազմավարական ռմբակոծիչների հայտնվելուց հետո ՆԱՏՕ-ն օդ է բարձրացրել իր կործանիչները
Ուկրաինական UNIAN լրատվական գործակալության փոխանցմամբ՝ Բալթյան երկրներում ՆԱՏՕ-ի միացյալ ուժերը երեկ հարկադրված են եղել երկու անգամ օդ բարձրացնել իրենց կործանիչները՝ կապված ռուսական մարտական ինքնաթիռների չհամաձայնեցված թռիչքների հետ:
Այս մասին հայտնել է Լատվիայի ՊՆ-ի մամլո ծառայությունը: Առաջին միջադեպը տեղի է ունեցել միանգամից 6 ռուսական ռազմավարակական ռմբակոծիչների մոտենալուց հետո, որոնք ունակ են կրել միջուկային լիցքեր:
Խոսքը գնում է հեռահար գործունեության Ту-22 տիպի երկու գերձայնային ռմբակոծիչի ու Ту-95 տիպի 4 ռմբակոծիչի մասին: Նրանց որսալու համար օդ են բարձրացվել F-16 տիպի կործանիչներ:
Քիչ անց գրանցվել է ևս մեկ միջադեպ, որին մասնակցել են Ту-134 տիպի երեք մարտական ինքնաթիռ ու Ан-72 տիպի մեկ տրանսպորտային ինքնաթիռ, որոնք նույնպես թռչել են Բալթիկ ծովի վրայով: Նրանց որսալկու համար օդ են բարձրացվել CF-188 կործանիչներ:
