Վրաստանը չի դիտարկում ՌԴ-ի հետ երկաթուղային հաղորդակցության վերականգնման հարցը. Բերուչաշվիլի
Грузия Online-ի փոխանցմամբ` Վրաստանի կառավարությունը ներկայումս չի դիտարկում Ռուսաստանի հետ երկաթուղային հաղորդակցության վերականգնման հարցը:
Այս մասին երեկ Բազելում լրագրողների հետ զրույցում հայտարարել է Վրաստանի արտգործնախարար Թամար Բերուչաշվիլին, ով Շվեյցարիայում մասնակցել է ԵԱՀԿ անդամ երկրների արտգործնախարարների խորհրդի նիստին:
Ռուսաստանի արտգործնախարար Սերգեյ Լավրովը Բազելում հայտարարել էր, որ Ռուսաստանը պատրաստ է մասնակցել Աբխազական երկաթուղու վերականգնմանը` ընդգծելով, որ բոլոր կողմերը պետք է մասնակցեն այդ գործընթացին. «Մենք պատրաստ ենք դրան»: Աբխազական երկաթուղին փակվել է 1992 թվականի օգոստոսին:
