«Նավթոգազը» 378 միլիոն դոլարի կանխավճար է տվել «Գազպրոմին»
Lenta.ru-ի փոխանցմամբ` «Ուկրաինայի Նավթոգազը» «Գազպրոմին» փոխանցել է 378 միլիոն դոլարի կանխավճար` մեկ միլիարդ խորանարդ մետր ռուսական գազի մատակարարման համար: Այս մասին նշված է ուկրաինական ընկերության պաշտոնական կայքում: «Գազպրոմը» դեռ չի հաստատել փողի ստացումը:
Նոյեմբերի վերջին «Նավթոգազի» ղեկավարությունը հայտնել էր, որ մինչև տարեվերջ գնելու է մեկ միլիարդ խորանարդ մետր գազ: Ուկրաինան, Ռուսաստանն ու Եվրահանձնաժողովը հոկտեմբերի 31-ին Բրյուսելում ընդունել են այսպես կոչված «ձմեռային գազային պլանը», որը նախատեսում է Ուկրաինային ռուսական վառելիքի մատակարարում:
