Թուրքիայում F-16 տիպի մարտական ինքնաթիռ է կործանվել
Թուրքական Anadolu լրատվական գործակալության փոխանցմամբ՝ Մերզիֆոնում կործանվել է Թուրքիայի ռազմաօդային ուժերի F-16 տիպի կործանիչ: Ինքնաթիռի օդաչու, 25-ամյա Էլե Բեքի Դողրուին հաջողվել է դիմել կատապուլտի օգնությանն ու փրկվել:
Նրան տեղափոխել են ռազմական հոսպիտալ: Միջադեպը տեղի է ունեցել տեղական ժամանակով ժամը 12.05-ին: Ինքնաթիռը կատարելիս է եղել պլանային ուսումնական թռիչք: Ինքնաթիռի կործանման պատճառներն անհայտ են:
