ԲՀԿ-ն Սերժ Սարգսյանի պաշտոնանկության նախաձեռնությանը չմիանալու վերաբերյալ հանդես կգա հայտարարությամբ
ԱԺ ԲՀԿ խմբակցության պատգամավոր Միքայել Մելքումյանը լրագրողների հետ զրույցում ասաց, որ Սերժ Սարգսյանի պաշտոնանկության մասին Նիկոլ Փաշինյանի նախաձեռնության վերաբերյալ առաջիկայում ԲՀԿ-ն հանդես կգա պաշտոնական հայտարարությամբ:
Հիշեցնենք, որ ԱԺ պատգամավոր Նիկոլ Փաշինյանը հանդես է եկել նախագահ Սերժ Սարգսյանի պաշտոնանկության հարցը արտահերթ կարգով քննարկելու նախաձեռնությամբ: Հարցը արտահերթ կարգով ԱԺ օրակարգում ընդգրկելու համար անհրաժեշտ էր 44 պատգամավորի ստորագրություն, սակայն համապատասխան ձևաթղթի տակ ստորագրել է ընդամենը 3 պատգամավոր: Հիշեցնենք, որ նախաձեռնության վերջնաժամկետը մինչև ժամը 13:00-ն էր:
