Վլադիմիր Պուտինն այսօր ժամանում է Թուրքիա
Թուրքական Anadolu լրատվական գործակալության փոխանցմամբ՝ Ռուսաստանի նախագահ Վլադիմիր Պուտինն այսօր ժամանում է Թուրքիա: Պուտինն Անկարայում կայցելի Թուրքիայի Հանրապետության հիմնադիր Մուսթաֆա Քեմալ Աթաթուրքի դամբարան՝ Անըթքաբիր:
Ապա իր նստավայրում Ռուսաստանի նախագահին կընդունի Թուրքիայի նախագահ Ռեջեփ Էրդողանը: Նրանց «տետ-ա-տետ» հանդիպումից հետո կանցկացվի Ռուս-թուրքական բարձր մակարդակի համագործակցության խորհրդի 5-րդ նիստը, որը համանախագահելու են Պուտինն ու Էրդողանը:
Նիստում քննարկվելու են ռուս-թուրքական երկկողմ հարաբերությունների զարգացման հարցը, ինչպես նաև տարածաշրջանային ու միջազգային հիմնական հարցերը:
