Ջորջ Սորոսը ժամանել է Վրաստան
Грузия Online-ի փոխանցմամբ՝ ամերիկացի հանրահայտ ֆինանսիստ Ջորջ Սորոսը ժամանել է Վրաստան: Նոյեմբերի 15-ին նա հանդիպումներ կունենա Վրաստանի վարչապետի ու նախագահի հետ: Չի բացառվում, որ նա կհանդիպի նաև Վրաստանի խորհրդարանի նախագահի հետ:
Սակայն այդ հարցը դեռ հստակեցված չէ: Սորոսը չի պլանավորել հանդիպել վրացական ընդդիմության ներկայացուցիչների հետ: Սորոսը Վրաստանում է գտնվում՝ կապված «Վրաստան – Բաց հասարակության» հիմնադրամի հոբելյանական 20-ամյակի հետ: Վրաստանում այդ տոնի կապակցությամբ անցկացվում են մի շարք միջոցառումներ:
