Կողմերը պետք է հրաժարվեն հակամարտության կարգավորման ռազմական տարբերակից. Ուորլիք
ԵԱՀԿ Մինսկի խմբի ամերիկացի համանախագահ Ջեյսմ Ուորլիքը Twitter-ի իր միկրոբլոգում մեկնաբանել է Ադրբեջանի զինված ուժերի կողմից ԼՂՀ ՌՕՈՒ-ի «Մի-24» ուղղաթիռը կործանելը:
Ուորլիքը գրել է, որ հակամարտող կողմերը պետք է հրաժարվեն հակամարտությունը ռազմական ճանապարհով լուծելու տարբերակից. «Ղարաբաղյան հակամարտության գոտում լարվածության աճը չի համապատասխանում որևէ մեկի շահերին: Կողմերը չպետք է թույլ տան լարվածության աճ ու պետք է հրաժարվեն հակամարտության կարգավորման ռազմական տարբերակից»:
