Առաջին քայլը պետք է կատարի ԱՄՆ-ը. Մեդվեդև
Ռուսական ТАСС լրատվական գործակալության փոխանցմամբ՝ Ռուսաստանի վարչապետ Դմիտրի Մեդվեդևը հայտարարել է, որ ռուս-ամերիկյան հարաբերությունների բարելավման համար առաջին քայլը պետք է կատարի ԱՄՆ-ը.
«Գոյություն ունեցող խնդիրները հաղթահարելու համար անհրաժեշտ է պարզապես հրաժարվել պատժամիջոցներից, անհրաժեշտ է հարաբերությունները դուրս բերել աշխատանքային հարթություն, անհրաժեշտ է վերադառնալ նորմալ, հանգիստ, արդյունավետ բանակցությունների: Այդ ժամանակ ամեն ինչ կկայունանա»:
Մեդվեդևը դժվարացել է պատասխանել, թե երկու երկրների հարաբերությունները երբ կարող են բարելավվել. «Դա կախված չէ մեզանից, որովհետև մենք չենք սահմանել պատժամիջոցներ»:
