ԱՄՆ ռազմաօդային ուժերի ինքնաթիռը կործանվել է Մեքսիկական ծոցում
Ամերիկյան NBC հեռուստաալիքի փոխանցմամբ՝ Մեքսիկական ծոցում կործանվել է ամերիկյան F-16 տիպի կործանիչ: Այս մասին հայտնել են ԱՄՆ-ի ռազմաօդային ուժերն ու առափնյա պաշտպանությունը: Ինքնաթիռում գտնվել է միայն օդաչուն, ներկա դրությամբ նրա ճակատագիրը հայտնի չէ:
Ֆլորիդայի հյուսիս-արևմուտքում ընկած Թինդալի ռազմաբազան F-16-ի հետ կապը կորցրել է առավոտյան, երբ նա ուսումնական թռիչք էր գործում Մեքսիկական ծոցի վրայով: Ինքնաթիռը կարող է ընկած լինել Ֆլորիդայի Պանամա Սիթի քաղաքից 100 կիլոմետր դեպի հարավ:
Փրկարարական թիմը կարծում է, որ կործանիչը մխրճվել է ջրի մեջ: Որոնողական աշխատանքներին մասնակցում են մոտորանավակներ, ինքնաթիռ ու ուղղաթիռ:
