ՀՀ նախագահի աշխատակազմի կողմից հատկացվող դրամաշնորհային մրցույթի հաղթողները հայտնի են

Հոկտեմբերի 22-ին տեղի ունեցավ ՀՀ նախագահի կողմից ընտրված գործընկեր կազմակերպության՝ Հայաստանի երիտասարդական հիմնադրամի հայտարարած դրամաշնորհային ծրագրերի մրցութային հանձնաժողովի նիստը, որի ընթացքում հանձնաժողովի անդամները գնահատեցին տարբեր անվանակարգերում ընտրության նախնական փուլն անցած ծրագրերը։ Ըստ այդմ, հաղթող ճանաչվեցին հետևյալ հասարակական կազմակերպությունները՝

«Գյուղական համայնքներում տեղական ինքնակառավարման գործընթացին բնակչության մասնակցության խթանում» անվանակարգ

1. «Առավոտ» բարեգործական ՀԿ
2. «Կոմպասս» գիտահետազոտական կրթական և խորհրդատվական կենտրոն ՀԿ
3. «Ագրո լայֆ» ՀԿ
4. «Ժողովրդավարության և խաղաղության ինստիտուտ» ՀԿ

«Գյուղական համայնքների բնակչության զբաղվածությունը խթանող ծրագրերի իրականացում» անվանակարգ
1. «Լոռու ուսանողական միավորում» ՀԿ
2. «Համաշխարհային անկախ երիտասարդական միավորում» ՀԿ
3. «Մեծահասակների կրթություն և ուսումնառություն ողջ կյանքի ընթացքում» ՀԿ
4. «Լիվինգ Ստոնզ/կենդանի քարեր» ՀԿ

«Սահմանամերձ գյուղական համայնքների առաջնահերթ խնդիրների լուծմանն ուղղված միջոցառումների իրականացում» անվանակարգ
1. «Սոցվեկտոր» ՀԿ

«Հասարակության շրջանում զինվորի կերպարի արժևորումը՝ որպես երիտասարդ հերոսի մարմնավորում» անվանակարգ
1. «Ղարաբաղյան պատերազմյան վետերանների» ՀԿ
2. «Ժայռ» համահայկական երիտասարդական ՀԿ
3. «Արմավիրի մարզի երիտասարդական նախաձեռնությունների կենտրոն» ՀԿ
4. «Արաքս կենտրոն» ՀԿ

«Հայոց ազատագրական պայքարի ղարաբաղյան ճակատի հերոսներ» անվանակարգ
1. «Արծվաշեն և որդիներ» ՀԿ

«Ցեղասպանություն և մշակույթ» անվանակարգ
1. «Ոչ պետական բուհերի ուսանողական կենտրոն» ՀԿ

«Հայոց ցեղասպանության վերաբերյալ իրազեկության մակարդակի բարձրացում» անվանակարգ
1. «Կրթություն և տեղեկատվություն հանուն զարգացման» ՀԿ

«ՀՀ անվտանգության, Հայոց ցեղասպանության հիմնահարցում հայանպաստ համաշխարհային կարծիքի ձևավորմանն աջակցող ծրագրերի իրականացում» անվանակարգ
1. «ՓԻ ԱՐ-ի զարգացման հայկական կենտրոն» ՀԿ

«Վերարտադրողական առողջության հետ կապված տեղեկատվության տարածում երիտասարդության շրջանում» անվանակարգ
1. «Հաշմանդամների «Փարոս» կրթության և մշակույթի զարգացման կենտրոն» ՀԿ
2. «Սոցիալական և երիտասարդական աշխատողներ» ՀԿ
3. «Ընտրության իրավունքով» առողջապահական ՀԿ
4. «Էխո» հաշմանդամ և սոցիալապես անապահով երեխաներին աջակցող ՀԿ

«Վերարտադրողական առողջություն. պտղի սեռով պայմանավորված աբորտների կանխարգելում» անվանակարգ
1. «Լուսինե» կանանց ՀԿ
2. «Հույսի Մեծամոր» ՀԿ

«Հանրության իրազեկում ծխախոտի օգտագործման և երկրորդային ծխի վնասակար ազդեցությունների վերաբերյալ» անվանակարգ
1. «Սոցիալական ծառայողների վերապատրաստման և զարգացման կենտրոն» ՀԿ
2. «Տեկտում» քաղաքացիական հասարակության զարգացման կենտրոն» ՀԿ
3. «Ախուրյան» երիտասարդական ՀԿ
4. «Հեռանկարային զարգացման կենտրոն» ՀԿ

«Էկոտուրիզմի զարգացումը՝ որպես բնության պահպանության գրավական» անվանակարգ
1. «Արցախի երիտասարդության զարգացման կենտրոն» ՀԿ
2. Լրագրողների «Սելեն» ակումբ ՀԿ
3. «Գեոֆոն» գիտական, բնապահպանական ՀԿ

«Հասարակության շրջանում բնապահպանական խնդիրների մասին իրազեկվածության մակարդակի բարձրացում» անվանակարգ
1. «Խազեր» էկոլոգամշակութային ՀԿ
2. «Հանուն մարդկային կայուն զարգացման» ՀԿ
3. «Էկոտեկ» բնապահպանական ՀԿ

Հայաստանի երիտասարդական հիմնադրամի հասարակայնության հետ կապերի ծառայություն