Չինաստանն արգելափակել է BBC-ի կայքը
France-Presse լրատվական գործակալության փոխանցմամբ՝ Չինաստանն արգելափակել է բրիտանական BBC-ի կայքը՝ կապված Հոնգկոնգի անկարգությունների հետ: Չինացի օգտատերերը BBC-ի կայքից չեն կարողացել օգտվել այն բանից 4 ժամ անց, ինչ նրանով օնլայն հեռարձակվել է ոստիկանների կողմից փողոց դուրս եկած ուսանողներին ծեծի ենթարկելը:
BBC-ի՝ միջազգային լրահոսի բաժնի խմբագիր Փիթեր Հորոքսն անմիջապես դա որակել է որպես «գրաքննություն»՝ ընդգծելով, որ խմբագրակազմը դատապարտում է Չինաստանում տեղի ունեցող դեպքերի մասին լրատվություն ստանալուն խոչընդոտելու ամեն տիպի միջոցները:
