ՌԴ-ը համաձայնվել է մեծացնել «Երկնագույն հոսք» գազատարով Թուրքիային հատկացվող գազի ծավալը
Ռուսական ИТАР-ТАСС լրատվական գործակալության փոխանցմամբ՝ ռուսական «Գազպրոմը» 3 միլիարդ խորանարդ մետրով կմեծացնի Սև ծովի հատակով անցնող «Երկնագույն հոսք» գազատարի հզորությունը՝ այն հասցնելով մինչև 19 միլիարդ խորանարդ մետրի:
Այս մասին Մոսկվայում «Գազպրոմի» ղեկավար Ալեքսեյ Միլլերի հետ բանակցությունների արդյունքներով հայտարարել է Թուրքիայի էներգետիկայի ու բնական պաշարների նախարար Թաներ Յըլդըզը:
Նա ընդգծել է, որ «Երկնագույն հոսք» գազատարով Թուրքիային ռուսական գազի մատակարարման ծավալը 16 միլիարդ խորանարդ մետրից 19 միլիարդ խորանարդ մետրի հասցնելու համար անհրաժեշտ է արդիականացնել Ռուսաստանում «Բերեգովայա» կոմպրեսորային կայանը, իսկ Թուրքիայում՝ Դուրուսուի ընդունող տերմինալը:
