Ժնևում չի կանգնեցվի Հայոց ցեղասպանության հուշարձան. թուրքական մամուլ

Թուրքական Anadolu լրատվական գործակալության փոխանցմամբ՝ Շվեյցարիան մերժել է երկրում Հայոց ցեղասպանության հուշարձան կանգնեցնելու մասին նախաձեռնությունը: Ժնևի կանտոնի (շրջան) ղեկավարությունը մերժել է ՄԱԿ-ի շենքի հարևանությամբ Հայոց ցեղասպանության հուշարձան կանգնեցնելու պահանջը:

Տվյալ հարցի շուրջ քննարկումները ծավալվել են դեռևս 7 տարի առաջ, և ահա շվեյցարական կողմը որոշում ընդունեց դրա մասով: Այդ որոշման մեջ քիչ դեր չեն խաղացել Թուրքիայի գործադրած ճնշումները, որը հուշարձանի կանգնեցումը կանխելու համար օգտագործել է բոլոր միջոցները: