Իրանը վերստին ՄԱԿ-ում հայտարարել է Պարսից ծոցի կղզիների նկատմամբ իր իրավունքների մասին
Իրանական IRNA լրատվական գործակալության փոխանցմամբ՝ Իրանը վերստին ՄԱԿ-ում հայտարարել է Պարսից ծովում գտնվող Մեծ ու Փոքր Թոմբ և Աբու Մուսա կղզիների նկատմամբ իր իրավունքների մասին:
Դա հանդիսացել է ՄԱԿ-ում ԱՄԷ-ի արտգործնախարարի ելույթի պատասխանը, որում նա կասկածի տակ է դրել այդ երեք կղզիներն Իրանին պատկանելու հարցը և բողոքել էր դրանցում Իրանի դրոշը բարձրացնելու դեմ:
ՄԱԿ-ում Իրանի ներկայացուցիչն ընդգծել է, որ ԱՄԷ-ի արտգործնախարարի այդօրինակ ելույթը վկայում է Իրանի ներքին գործերին ԱՄԷ-ի ակնհայտ միջամտության մասին, քանի որ այդ կղզիները հանդիսանում են Իրանի անքակտելի մասը:
