Հայաստանում ընկուզենու մասնագետ չկա՞ (տեսանյութ)
Հայաստանում ընկուզենու աճեցման, բազմացման մասնագետ չկա: Համենայն դեպս, այդպես են պնդում Զմիբաբվեից ընկուզենու պատվաստման համար մասնագետ հրավիրած «Հայկական միրգ» ընկերությունը և ԳՆ փոխնախարար Սամվել Գալստյանը:
168.am-ի հարցին, թե հայերը ավանդաբար ընկուզենի չեն աճեցրե՞լ, փոխնախարարը պատասխանեց, որ միայն տնամերձում են աճեցրել, իսկ մասսայական այգիներ չեն եղել: Ըստ նրա՝ արտասահմանից հրավիրված փորձագետը պետք է 1 տարում նոր տեխնոլոգիայով պատվաստում աներ և ընկուզենի ստանար, բայց չի հաջողել:
ԲՀԿ-ական պատգամավոր Վահագն Մախսուդյանը բացարձակապես համամիտ չէ, որ ՀՀ-ում ընկուզենի աճեցնելու մասնագետներ չկան: Հակառակը, նրա խոսքով, հայերը միշտ էլ լավ այգեգործ են եղել:
