Պորոշենկոն հաստատել է, որ իր ավագ որդին մասնակցելու է խորհրդարանական ընտրություններին
Lenta.ru-ի փոխանցմամբ՝ Ուկրաինայի նախագահ Պյոտր Պորոշենկոն հաստատել է, որ իր որդին մասնակցելու է առաջիկա խորհրդարանական ընտրություններին: Այս մասին նա գրել է Twitter-ի իր միկրոբլոգում.
«Իմ որդին վերադարձել է հակաահաբեկչական գործողության գոտուց՝ կապված ռոտացիայի հետ: Նա իր թեկնածությունն է առաջադրելու Գերագույն ռադայի ընտրություններում»:
Սրանից առաջ Ուկրաինայի նախագահի խորհրդական Յուրի Լուցենկոն հայտարարել էր, որ նախագահի ավագ որդի, 29-ամյա Ալեքսեյ Պորոշենկոն մասնակցելու է խորհրդարանական ընտրություններին: Ուկրաինայում խորհրդարանական վաղաժամ ընտրությունները նշանակված են հոկտեմբերի 26-ին:
