Մոսկվայի քաղաքապետն այցելում է Ադրբեջան

Ադրբեջանական Trend լրատվական գործակալության փոխանցմամբ` Մոսկվայի քաղաքապետ Սերգեյ Սոբյանինն ընթացիկ շաբաթվա կեսին կայցելի Ադրբեջան: Այս մասին գործակալությանը հայտնել է նրա դիվանագիտական աղբյուրը:

Վերջինիս հաղորդմամբ` ներկայումս ընթանում է Սոբյանինի պատվիրակության ադրբեջանական այցի նախապատրաստությունը: Աղբյուրն ընդգծել է, որ այդ այցի ժամանակ քննարկվելու է Ռուսաստանի ու Ադրբեջանի մայրաքաղաքների միջև համագործակցությունը: