Առաջին անգամ հրապարակվել են «տնային կալանքի» տակ պահվող Գուլնարա Կարիմովայի լուսանկարները
Azattyq.org կայքի փոխանցմամբ՝ մամուլում առաջին անգամ հայտնվել են ենթադրաբար տնային կալանքի տակ պահվող Գյուլնարա Կարիմովայի լուսանկարները:
Ուզբեկստանի նախագահ Իսլամ Կարիմովի երբեմնի ազդեցիկ ավագ դուստրը հայտնի էր որպես ճանապարհորդ ու նորաձևությունների ներկրող, մինչդեռ այժմ նա գտնվում է իր տնից բավական հեռու, կրում է սովորական զգեստ և շրջապատված է ոստիկաններով:
Կարիմովայի լուսանկարները մամուլում տարածել է Լոնդոնում նրա ներկայացուցիչ Լոսկլի Ռայանը: Նրա խոսքերով՝ Գուլնարա Կարիմովան ու նրա դուստրը կարիք ունեն անհապաղ բուժօգնության: Ռայանն ընդգծել է, որ սննունդ չեն տալիս տնային կալանքի տակ պահվող Գուլնարային:
42-ամյա Գուլնարա Կարիմովան ուներ իր բիզնեսը, հիմնականում ապրում էր Եվրոպայում, քանի դեռ սկանդալային հակակառուպցիոն գործի շրջանակներում չէին կալանավորել բիզնեսի գծով նրա մերձավորներին ու գործընկերներին:
Ներկայումս նրան տնային կալանքի տակ են պահում Տաշքենդում: Ուզբեկստանի գլխավոր դատախազությունը սեպտեմբերի 8-ին հայտարարել էր, որ Գուլնարա Կարիմովան կասկածյալ է հանդիսանում կազմակերպված հանցավոր խմբավորման գործով:
