Թուրքիան կարող է բուֆերային գոտի ստեղծել իր հարավային սահմանին
Բրիտանական Reuters լրատվական գործակալության փոխանցմամբ՝ Թուրքիայի բանակը պլաններ է մշակում երկրի հարավային սահմաններին բուֆերային գոտի ձևավորելու հնարավորության շուրջ՝ կապված «Իսլամական պետության» զինյալների սպառնալիքի հետ:
Թուրքիայի կառավարությունը գնահատելու է այդ պլանը և վճռելու, թե արդյոք անհրաժե՞շտ է ստեղծել բուֆերային գոտի: Վերջինիս ստեղծման հնարավորության մասին Կատար այցելելուց հետո հայտարարել էր Թուրքիայի նախագահ Ռեջեփ Էրդողանը:
Դեռ հայտնի չէ, թե Թուրքիայի հարավային սահմանի կոնկրետ որ հատվածում կարող է ստեղծվել բուֆերային այդ գոտին: Թուրքիան Իրաքի ու Սիրիայի հետ ունի մոտ 1200 կիլոմետր երկարությամբ ցամաքային սահման:
