Ռուբլին փլուզվում է. փոխարժեքը հասել է պատմական մինիմումին

Այսօր՝ սեպտեմբերի 15-ին, Մոսկվայի բորսայում 1 դոլարի փոխարժեքը պատմության մեջ առաջին անգամ գերազանցել է 38 ռուբլին։ Ինչպես հաղորդում է ИТАР-ТАСС-ը, Ռուսաստանի ժամանակով 10։00-ի դրությամբ 1 դոլարն արժեր 38.02 ռուբլի։

Թանկացել է նաև եվրոն՝ հասնելով 49.2 ռուբլու։

Ռուբլու թուլացումը տեղի է ունենում Ռուսաստանի նկատմամբ ԱՄՆ-ի և Եվրամիության կողմից սահմանված պատժամիջոցների ֆոնին։ Նոր սահմանափակումները վերաբերում են նավթարդյունաբերական և պաշտպանության ոլորտի ընկերություններին։ Պատժամիջոցների տակ են հայտնվել նաև ռուսաստանյան բանկերը։