ԱՄՆ-ը նոր պատժամիջոցներ է սահմանել Ռուսաստանի նկատմամբ
Ռուսական ИТАР-ТАСС լրատվական գործակալության փոխանցմամբ՝ ԱՄՆ-ը նոր պատժամիջոցներ է սահմանել Ռուսաստանի դեմ՝ կապված Ուկրաինայում տիրող իրավիճակի հետ: ԱՄՆ ֆինանսների նախարարությունը հայտնել է, որ նոր պատժամիջոցներն առնչվում են «Սբերբանկին», «Բանկ Մոսկվիին», «Գազպրոմբանկին», «Ռոսսելխոզբանկին», «ՎԷԲ»-ին ու «ՎՏԲ»-ին:
Բացի այդ, պատժամիջոցերն արգելք են դնում այնպիսի ապրանքների, ծառայությունների ու տեխնոլոգիաների արտահանման վրա, որոնք միտված են աջակցելու խորջրյա հատվածներում, արկտիկյան շելֆում կամ թերթաքարային հանքավայրերում նավթի արդյունահանման վերաբերյալ ռուսական նախագծերին:
Դրա հետ կապված՝ պատժամիջոցային ցուցակում են հայտնվել «Գազպրոմը», «Գազպրոմ Նեֆտը», «Լուկօյլը», «Սուրգունեֆտեգազը» և «Ռոսնեֆտը»: Բացի այդ, արգելափակվել են ռուսական պաշտպանական հինգ ձեռնարկության ակտիվները, որոնց թվում հայտնվել է նաև «Ալմազ-Անթեյը»: Պատժամիջոցներն առնչվել են նաև «Ռոստեխ» ընկերությանը:
