Խաղաղ օվկիանոսում կործանվել է ամերիկյան երկու մարտական ինքնաթիռ
Ամերիկյան Associated Press լրատվական գործակալության փոխանցմամբ՝ ԱՄՆ ռազմաօդային ուժերի F/A-18 Hornet տիպի երկու կործանիչ կործանվել են Խաղաղ օվկիանոսի արևմտյան հատվածում: Օդաչուներից մեկն անհետացել է: Միջադեպը գրանցվել է նախօրեին, տարվում է հետաքննություն: Օդաչուներից մեկը փրկված է, ներկայումս նրան ցուցաբերվում է բուժօգնություն:
Որոնողական աշխատանքներ են տարվում երկրորդ օդաչուին գտնելու ուղղությամբ: Բացի այդ, ցայժմ հայտնի չէ, թե կոնկրետ որտեղ է տեղի ունեցել ինքնաթիռների կործանումը, թեև օդաչուի որոնողական աշխատանքները տարվում են ԱՄՆ 7-րդ նավատորմի շրջանում (Խաղաղ օվկիանոսի Ասիա-հնդկական շրջան):
