Վահրամ Բաղդասարյան. Քառյակի ուժերի հետ ակտիվ բանակցում ենք
«Մենք ամեն ինչ անում ենք, որ քառյակը կայանա, բայց երևի գաղափարական հակասություններ կան նրանց միջև»,- այսօր ԱԺ ճեպազրույցում հայտարարեց ՀՀԿ խմբակցության ղեկավար Վահրամ Բաղդասարյանը:
Դիտարկմանը, որ քառյակը փորձում է մեկուսացնել ՀՀԿ-ին, Վ.Բաղդասարյանը պատասխանեց, թե քառյակի ուժերի հետ ակտիվ բանակցում են, նույնիսկ տարբեր հարցերի շուրջ համաձայնություն ձեռք բերում, և թույլ չեն տա մեկուսանալ:
Սահմանադրական փոփոխությունների հետ կապված Բաղդասարյանը նշեց, որ երեկ Գագիկ Ծառուկյանի հարցազրույցից հասկացել է, որ հայեցակարգի հրապարկումից հետո ԲՀԿ-ն պետք է որոշի իր մոտեցումը:
