ՀՀԿ Գործադիր մարմնի նիստին Սյունիքի մարզպետի թեկնածության հարցը չի քննարկվել
ՀՀԿ Գործադիր մարմնի այսօրվա նիստում Սյունիքի մարզպետի նշանակման հարցը չի քննարկվել: Այս մասին այսօր նիստից հետո հայտարարել է կուսակցության խոսնակ, ԱԺ փոխնախագահ Էդուարդ Շարմազանովը՝ նշելով, որ քննարկվել են ներկուսակցական, ԱԺ աշնանային քառօրյայի աշխատանքների հետ կապված հարցեր:
Պատասխանելով նիստին Սյունիքի նախկին մարզպետ Սուրիկ Խաչատրյանի ներկայության մասին հարցին, Էդուարդ Շարմազանովն ասաց, որ դա ոչ մի կապ չունի մարզպետի նշանակման հետ. «Կուսակցության խորհուրդն այսօր նաև քննարկումներ է կազմակերպել, որոնք կապված են ապագա բյուջետային քննարկումների հետ. բացառապես դրանով»:
