ՀՀ էկոնոմիկայի նախարարությունը ուսումնասիրում և վերլուծում է նահանջի պատճառները
ՀՀ էկոնոմիկայի նախարարությունը ուսումնասիրում և վերլուծում է Մրցունակության համաշխարհային զեկույցում այս տարի Հայաստանի 6 կետով նահանջի պատճառները: Այս մասին այսօր ԱԺ-ում լրագրողների հետ զրույցում հայտարարեց Էկոնոմիկայի նախարար Կարեն Ճշմարիտյանը:
Ըստ նրա՝ ՀՀ դիրքի նահանջի պատճառները կարող են տարբեր լինել՝ գուցե ՀՀ-ն առանձին կետերով ետընթաց է գրանցել, բայց կան նաև երկրներ, որ առաջ են գնացել, ինչի պատճառով էլ ՀՀ-ն ետ է մնացել:
«Վերլուծելուց հետո տեղյակ կպահենք: Մասնագիտական վերլուծություն է պետք, գործոնները շատ են: Ե՛վ գործոնային, և՛ ադմինիստրատիվ վերլուծություն է պետք անել»,- ասաց նախարարը:
