Ռ-Էվոլյուցիա-Թողարկում 78
Ամեն տարի սեպտեմբերին վերսկսվում է ոչ միայն ուսումնական, այլ նաև քաղաքական տարին: Աշակերտներն ու ուսանողները գնում են դպրոցներ, բուհեր, քաղաքական գործիչների մասը՝ խորհրդարան, մյուսները՝ կառավարություն, մամուլի ակուբներ և այլն: Կրթության և քաղաքականության միջև առկա բազմաթիվ ընդհանրություններից ամենացայտունը, թերևս, այն է, որ երկուսից էլ մենք գրեթե հավասարապես ու արդարացիորեն դժգոհ ենք: Մեր պետական ու քաղաքական համակարգը մոտավորապես այնպիսին է, ինչպիսին դպրոցն ու բուհը՝ ավելի շատ ձևական ու անբովանդակ: Թերևս նաև այն պատճառով, որ այսօր մեզանում քաղաքական ու պետական կառավարման համակարգում ավելի շատ են հայտնվում մարդիկ, ովքեր ոչ միայն բուհեր, այլ անգամ դպրոց չեն հաճախել: Մեր այսօրվա զրույցը Արմեն Աշոտյանի հետ է, ով, բնականաբար, չի համաձայնվի նշված տեսակետների հետ, քանի որ և՛ ՀՀ կրթության ու գիտության նախարարն է, և՛ Հայաստանի Հանրապետական կուսակցության (ՀՀԿ) փոխնախագահը:
