Դավթաշենում ավտովթար է տեղի ունեցել

Սեպտեմբերի 8-ին, ժամը 08.59-ին տեղեկություն է ստացվել, որ Երևանի Դավիթաշեն 4-րդ թաղամասի թիվ 46/10 շենքի մոտակայքում տեղի ունեցել ՃՏՊ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ «Լադա» մակնիշի 32OS681 պետհամարանիշով (վարորդ` Ա. Ս.) ավտոմեքենան դուրս է եկել ճանապարհի երթևեկելի հատվածից և բախվել արգելապատնեշին:

Հրշեջ-փրկարարները հոսանքազրկել են ավտոմեքենան և դադարեցրել գազի արտահոսքը:

ՀՀ Արտակարգ իրավիճակների նախարարություն