ԵՄ-ը կարող է հետաձգել Ռուսաստանի դեմ նոր պատժամիջոցները. աղբյուր
Բրիտանական Reuters լրատվական գործակալության փոխանցմամբ՝ ԵՄ-ը, ինչպես որ պլանավորված էր, այսօր համաձայնեցնելու է Ռուսաստանի դեմ նոր պատժամիջոցները: Սակայն նա կարող է դրանք հետաձգել մի քանի օրով: Այս մասին գործակալությանը հայտնել են նրա դիվանագիտական աղբյուրները:
Նրանց խոսքերով՝ նոր պատժամիջոցների հետաձգումը կախված է Մինսկի բանակցությունների արդյունքից: Նրանցից մեկը նշել է, որ պատժամիջոցները կարող են հետաձգվել 7 օրով, իսկ մյուսը՝ 3 օրով: Մոսկվան պետք է առաջընթաց գրանցի հակամարտության կարգավորման ճանապարհին:
Սրանից առաջ հաղորդվել էր, որ Եվրահանձնաժողովը նոր պատժամիջոցներ է պատրաստել Ռուսաստանի նավթային ոլորտի դեմ:
