1000 շահառուներ անվճար հետազոտվելու հնարավորություն կունենան (տեսանյութ)
ankyun3.am-ը գրում է. 2014 թվականի համար Ալավերդի համայնքին հատկացված բնապահպանական սուբվենցիաները կազմում են 120 մլն դրամ: Այս գումարի 30 տոկոսն ուղղվել է առողջապահական ծրագրերի իրականացմանը: Առողջապահական մասից երկու ծրագիր արդեն իրականացվել է, իսկ երրորդը կմեկնարկի սեպտեմբերի 8-ին: Այդ ծրագրով նախատեսված է ալավերդցի կանանց մամոգրաֆիկ և տղամարդկանց սոնոգրաֆիկ անվճար հետազոտություն: Ինչպես նշում են մասնագետները, հիվանդությունների վաղ հայտնաբերումն ու կանխարգելումն ամենակարևորն է, իսկ այս ծրագրի նպատակը հենց նորագոյացությունների վաղ հայտաբերումն ու կանխարգելումն է:
