Ովքեր են Հայաստանի խոշորագույն պարտատերերը

Հայաստանի Հանրապետության խոշորագույն պարտատերը Համաշխարհային բանկն է։ Ինչպես տեղեկանում ենք ՀՀ Ազգային վիճակագրական ծառայության տեղեկանքից, ՀՀ արտաքին պարտքը այս տարվա առաջին կիսամյակի վերջին կազմել է 3 միլիարդ 850.443 միլիոն դոլար։

Այդ գումարից 1 միլիարդ 596.911 միլիոն դոլարը (41.4%-ը) բաժին է ընկնում Համաշխարհային բանկին։

Երկրորդ խոշոր պարտատերը Զարգացման միջազգային ընկերակցությունն է։ Այս կազմակերպությանը Հայաստանը պարտք է 1 միլիարդ 276.646 միլիոն դոլար, որը կազմում է ՀՀ արտաքին պարտքի 33.1%-ը։

Խոշորագույն պարտատերերի եռյակը եզրափակում է Արժույթի միջազգային հիմնադրամը՝ 494.2 միլիոն դոլար։

Վերակառուցման և զարգացման եվրոպական բանկին պարտք ենք 320.265 միլիոն, Ասիական զարգացման բանկjh` 251.598 միլիոն դոլար։

Ըստ երկրների՝ խոշորագույն պարտատերը Ճապոնիան է, որին պարտք ենք Ճապոնիա 299.2 միլիոն դոլար։ Գերմանիային ունեցած պարտքը 222.5 միլիոն դոլար է։