Թուրքիան մեր ռազմավարական գործընկերն է. Վրաստանի վարչապետ
Грузия Online-ի փոխանցմամբ` Վրաստանի վարչապետ Իրակլի Գարիբաշվիլին վերադարձել է Անկարայից, ուր նա մասնակցել է Թուրքիայի 12-րդ նախագահ Ռեջեփ Էրդողանի երդմնակալությանը: Վրաստան վերադառնալուց հետո Գարիբաշվիլին ցանկություն է հայտնել պաշտոնական այց կատարել Թուրքիա.
«Ես կարճատև զրույց ունեցա պարոն Էրդողանի հետ, և մտադիր եմ պաշտոնական այցով մեկնել Թուրքիա: Բացի այդ, մենք ցանկանում ենք թուրքական պետության ղեկավարին հրավիրել Վրաստան:
Թուրքիան մեր ռազմավարական գործընկերն է, հետևաբար մեզանից պահանջվում են բոլոր ուղղություններով շատ սերտ ու ինտենսիվ փոխհարաբերություններ: Դրա հաստատումն է նաև իմ այցը Թուրքիա»:
