ՆԱՏՕ-ն ռազմական ուղիղ միջամտություն չի պլանավորում Ուկրաինայում
Ռուսական ИТАР-ТАСС լրատվական գործակալության փոխանցմամբ` ՆԱՏՕ-ի գլխավոր քարտուղարի տեղակալ Ալեքսանդր Վերշբոուն հայտարարել է, որ ՆԱՏՕ-ի ղեկավարությունը չի պլանավորում ռազմական ուղիղ միջամտություն ձեռնարկել` կապված Ուկրաինայի հարավ-արևելքում տիրող իրավիճակի հետ:
Նա ընդգծել է, որ Ուկրաինայում առկա իրավիճակին ՆԱՏՕ-ի ռազմական միջամտությունը կարող է հանգեցնել Ռուսաստանի հետ հակամարտությանը: Վերշբոուի խոսքերով` արևմտյան գործընկերները փորձում են տնտեսական պատժամիջոցների միջոցով ազդել Ռուսաստանի վրա` հանգեցնելով նրա մեկուսացմանը.
«Այդ մասին նախօրեին հայտարարել է ԱՄՆ նախագահ Բարաք Օբաման: Կարծում եմ, որ ՆԱՏՕ-ի անդամ մյուս երկրների առաջնորդները չեն խոսում ՆԱՏՕ-ի ռազմական ուղիղ որևէ ներգրավվածության մասին»:
