Օբաման Պորոշենկոյի հետ Սպիտակ տանը կհանդիպի սեպտեմբերի 18-ին
Ուկրաինական UNIAN լրատվական գործակալության փոխանցմամբ՝ ԱՄՆ նախագահ Բարաք Օբաման Ուկրաինայի նախագահ Պյոտր Պորոշենկոյին Սպիտակ տանն ընդունելու է սեպտեմբերի 18-ին: Այս մասին Twitter-ի իր միկրոբլոգում գրել է Ուկրաինայում ԱՄՆ դեսպան Ջեֆրի Պայետը:
Օբաման Պորոշենկոյին Վաշինգտոն է հրավիրել Սպիտակ տանն ունեցած ելույթի ժամանակ: Օբաման հայտարարել էր, որ Ռուսաստանը ռազմական ուսուցում է տալիս ինքնահռչակ Դոնեցկի ու Լուգանսկի ժողովրդական հանրապետությունների զինյալներին, սպառազինում ու ֆինանսավորում է նրանց:
Իր ելույթում Օբաման ընդգծել էր, որ ԱՄՆ-ը չի դիտարկում Ուկրաինայի հակամարտության կարգավորման հարցում ռազմական միջամտության տարբերակը:
