Նախագահական ընտրություններում հաղթելուց հետո Էրդողանը կմոռանա Ղարաբաղի խնդրի մասին. Զարդուշտ Ալիզադե
Ադրբեջանական Vesti.az-ին տված հարցազրույցի ժամանակ ադրբեջանցի քաղաքագետ Զարդուշտ Ալիզադեն մեկնաբանել է հայ-թուրքական սահմանի բացման հնարավորությունը.
«Էրդողանը միայն ժամանակավորապես է հրաժարվել Թուրքիայի ու Հայաստանի միջև սահմանը բացելուց՝ հանուն ընտրություններում ընդդիմության նկատմամբ հաղթանակ տանելու և իշխանությունն իր ձեռքերում պահպանելու:
Հաղթանակ տանելով նախագահական ընտրություններում՝ Էրդողանը կմոռանա Ղարաբաղի մասին և կզբաղվի Թուրքիայի ու Հայաստանի միջև արդեն իսկ գոյություն ունեցող առևտրային-տնտեսական հարաբերությունների իրավական ձևակերպման մասին»:
Հիշեցնենք, որ հուլիսի սկզբին թուրքական Taraf թերթը գրել էր, թե Թուրքիան սեպտեմբերին բացելու է Հայաստանի հետ սահմանը:
