Էրդողանը հրաժարական է տվել Թուրքիայի իշխող կուսակցության պաշտոնից
Թուրքական Anadolu լրատվական գործակալության փոխանցմամբ՝ Թուրքիայի նորընտիր նախագահ Ռեջեփ Էրդողանը հրաժարական է տվելիշխող «Արդարություն ու զարգացում» կուսակցության (ԱԶԿ) նախագահի պաշտոնից: Թուրքական օրենսդրության համաձայն, երկրի նախագահը չի կարող միաժամանակ կուսակցական գործունեություն վարել:
Էրդողանն իր հրաժարականի մասին հայտարարել է այսօր Անկարայում ընթացող ԱԶԿ-ի մեծ համագումարում: Ակնկալվում է, որ ԱԶԿ-ի նոր նախագահի և Թուրքիայի վարչապետի պաշտոններում Էրդողանին կփոխարինի գործող արտգործնախարար Ահմեթ Դավութօղլուն: Թուրքիայի 12-րդ նախագահ Էրդողանի երդմնակալության արարողությունն Անկարայում անցկացվելու է վաղը:
