Պորոշենկոն պատմել է Պուտինի հետ ձեռք բերված պայմանավորվածությունների մասին
УНН-ի փոխանցմամբ՝ Ուկրաինայի նախագահ Պյոտր Պորոշենկոն հայտարարել է, որ Մինսկում Ռուսաստանի նախագահ Վլադիմիր Պուտինի հետ բանակցությունների արդյունքներով պայմանավորվել է երկու երկու երկրների սահմանապահ գերատեսչությունների միջև խորհրդակցություններ անցկացնելու շուրջ:
Պորոշենկոյի խոսքերով՝ գերատեսչությունների միջև այդ բանակցությունների նպատակը լինելու է Ուկրաինայի ու Ռուսաստանի միջև սահմանի վերահսկման հաստատումը: Պորոշենկոն հավելել է, որ ձեռք է բերվել պայմանավորվածություն՝ Ուկրաինայի արևելքում առկա իրավիճակի կարգավորման խաղաղ պլան մշակելու մասին:
Այդ պլանի իրագործման նախադրյալներ մշակելու համար խորհրդակցություններ են անցկացվելու երկու երկրների գլխավոր շտաբների պետերի միջև: Պորոշենկոն հավելել է, որ համաձայնություն է ձեռք բերվել սեպտեմբերի 6-ին երեք կողմի (Ուկրաինա, ԵՄ, ՌԴ) մասնակցությամբ բանակցությունների մասին, որոնցում քննարկվելու են էներգետիկ թեմաներ:
Պուտինի ու Պորոշենկոյի հանդիպումը տևել է մոտ երկու ժամ:
