Ռուսաստանին անհանգստացնում է «Իսլամական պետության» գործունեության հնարավոր ընդլայնումը
Ռուսական Интерфакс լրատվական գործակալության փոխանցմամբ՝ ՌԴ ԱԳՆ-ի՝ Նոր մարտահրավերների դեպարտամենտի տնօրեն Իլյա Ռոգաչևը կարծում է, որ ահաբեկչական յուրաքանչյուր գործունեություն պոտենցիալ սպառնալիք է հանդիսանում Ռուսաստանի համար:
Ռոգաչևն ընդգծել է, որ դա վերաբերում է նաև «Իսլամական պետություն» խմբավորման զինյալների գործողություններին. «Նման մասշտաբի ահաբեկչական յուրաքանչյուր սպառանլիքն արդիական է նաև Ռուսաստանի համար, քանի որ շատ բարդ է հաշվարկել ու կանխատեսել դրա հետևանքները:
Ներկայումս Ռուսաստամի համար այդ սպառնալիքն ավելի շուտ գաղափարական է, սակայն այն կարող է լինել նաև այլ բնույթի: Ռուսաստան կարող են վերադառնալ այն զինյալները, որոնք ներկայումս գտնվում են «Իսլամական պետություն» խմբավորման շարքերում:
Գաղափարախոսության տեսանկյունից սահմաններ չկան «Իսլամական պետության» ընդլայնման համար: Եվ այստեղ խոսքը չի գնում Ռուսաստանի միայն հարավային շրջանների մասին: Նրանց ուշադրության օբյեկտ կարող են դառնալ մուսուլմանական բոլոր շրջանները»:
