Ուկրաինայի արևելքում ռազմական գործողությունների ժամանակ զոհվել է ուկրաինացի 722 զինծառայող
ZN.UA-ի փոխանցմամբ՝ օգոստոսի 24-ի դրությամբ հակաահաբեկչական գործողության անցկացման ժամանակ ռազմական գործողությունների հետևանքով զոհվել է 722 և վիրավորվել է 2625 զինծառայող: Այս մասին հայտարարել է Ուկրաինայի ազգային անվտանգության ու պաշտպանության խորհրդի մամլո կենտրոնը:
Վերջինիս հաղորդմամբ՝ օգոստոսի 23-ից առավոտից մինչև օգոստոսի 24-ի առավոտն ընկած ժամանակահատվածում Ուկրաինայի արևելքում զոհվել է 5 և վիրավորվել է 8 զինծառայող:
Ուկրաինայի նախագահ Պյոտր Պորոշենկոն օգոստոսի 24-ին, երբ երկրում նշում էին անկախության 23-րդ տարեդարձը, հայտարարել է, որ ներկայիս աղետալի իրադարձություններն Ուկրաինայի պատմության մեջ կմտնեն որպես 2014 թվականի հայրենական պատերազմ:
