Սիրիայի տարածքից արձակված հրթիռները պայթել են Իսրայելի հյուսիսում
Ռուսական ИТАР-ТАСС լրատվական գործակալության փոխանցմամբ` Սիրիայի տարածքից արձակված հրթիռներն այսօր պայթել են Իսրայելի կողմից վերահսկվող Գոլանի բարձունքներում` ամայի տարածքում: Այս մասին հայտնել է Իսրայելի պաշտպանության բանակի մամուլի ծառայությունը:
Վերջինիս հաղորդմամբ` Սիրիայի տարածքից արձակված առնվազն 5 հրթիռ պայթել է Գոլանի բարձունքների շրջաններում: Առկա տեղեկատվության համաձայն, զոհեր չկան: Իսրայելը Սիրիայի տարածքից հթիռակոծման պատասխանատվությունը դրել է Սիրիայի կառավարության վրա:
Դա օգոստոսին Սիրիայի տարածքից հրեական պետության հրթիռակոծման առաջին դեպքն է: Հուլիսի կեսին Իսրայելի տարածքը երկու անգամ հրետակոծվել է Սիրիայի տարածքից:
