Չինական կործանիչը Հարավ-չինական ծովի երկնքում անցել է ամերիկյան իքննաթիռից 10 մետր հեռավորության վրա
France-Presse լրատվական գործակալության փոխանցմամբ` ԱՄՆ-ի իշխանությունները երեկ հայտնել են, որ չինական կործանիչը երեք օր առաջ միջազգային օդային տիրույթում վտանգավոր հեռավորության վրա մոտեցել է ամերիկյան «Բոինգ Ռ-8 Պոսեյդոն» պարեկային հակասուզանավային ինքնաթիռին:
Պենտագոնի մամլո քարտուղար Ջոն Կիրբիի տվյալներով` միջադեպը գրանցվել է Հարավ-չինական ծովում` չինական Հայնան կղզուց 220 կիլոմետր դեպի արևելք: Չինական մարտական ինքնաթիռը երեք անգամ մոտեցել է ամերիկյան օդանավին` անցնելով նախ նրա ներքևով, ապա քթամասի մոտով, իսկ հետո` թևի կողքով:
Դրանով իսկ չինական ինքնաթիռն ամերիկյան օդանավին մոտեցել է 10 մետր հեռավորության վրա: Չինացի օդաչուն նաև այնպիսի շարժում է արել, որ ամերիկյան օդանավից տեսանելի լինի իր սպառազինությունը: Հայնան կղզու երկինքը քանիցս վերածվել է միջազգային կոնֆիլկտների արենայի:
