Իրաքում աղոթքի ժամանակ սպանվել է 68 մարդ
Բրիտանական Reuters լրատվական գործակալության փոխանցմամբ` Իրաքի Դիյալահ նահանգում տեղի մզկիթի աղոթքի ժամանակ զինյալները սպանել են 68 մարդու, ավելի քան 50 մարդ էլ վիրավորվել է: Մզկիթը պատկանել է սուննի համայնքին: Ահաբեկչության պատասխանատվությունը դեռ ոչ ոք չի ստանձնել:
Նախ մզկիթ է ներխուժել ահաբեկիչը, ով սկսել է գործի դնել «մահապարտի գոտին»: Նրա հետևից մզկիթ ներխուժած զինյալները կրակ են բացել մարդկանց վրա: Ոստիկանության վարկածով, այդ հարձակումն իրականացրել են «Իսլամական պետություն» խմբավորման զինյալները, որոնք դրանով իսկ վրեժխնդիր են եղել տեղի սուններից` իրենց միանալուց հրաժարվելու համար:
Այդ խմբավորումը ներկայումս վերահսկում է Իրաքի ողջ հյուսիս-արևելքը:
