Հարավային Օսիան օգոստոսի 25-27-ին կփակի Վրաստանի հետ սահմանը
Рес լրատվական գործակալության փոխանցմամբ՝ օգոստոսի 25-26-ին Հարավային Օսիայում մարդկանց տեղաշարժի համար փակվելու են Վրաստանի հետ պետական սահմանի անցակետերը: Այս մասին հայտնել է հանրապետության Պետանվտանգության կոմիտեի մամլո ծառայությունը:
ՊԱԿ-ը պարզաբանել է, որ այդ միջոցը կապված է Ռուսաստանի կողմից Հարավային Օսիայի պետական անկախությունը ճանաչելու կապակցությամբ հանրապետությունում կազմակերպվելիք հանդիսավոր արարողությունների ժամանակ անվտանգության միջոցների խստացման հետ:
Վրաստանի հետ պետական սահմանի հատման արգելքը կգործի մինչև օգոստոսի 27-ը:
