Իրանի արտգործնախարարը հաջորդ շաբաթ կժամանի Մոսկվա
Ռուսական РИА Новости լրատվական գործակալության փոխանցմամբ՝ Իրանի արտգործնախարար Մոհամմադ Ջավադ Զարիֆը հաջորդ շաբաթ ժամանելու է Մոսկվա: Այս մասին հայտարարել է Մոսկվայում Իրանի դեսպան Մեհդի Սանաին:
Նա մանրամասնել է, որ Զարիֆը Մոսկվա է ժամանելու օգոստոսի 29-ին: Այցի ընթացքում Զարիֆը հանդիպումներ է ունենալու Ռուսաստանի արտգործնախարար Սերգեյ Լավրովի և բարձրաստիճան այլ պաշտոնյաների հետ: Այդ հանդիպումներում կողմերը քննարկելու են երկկողմ, տարածաշրջանային ու միջազգային հարցեր:
