Ղրիմի ու Թուրքիայի միջև բացվել է լաստանավային հաղորդակցություն
Lenta.ru-ի փոխանցմամբ՝ Կերչ (Ղրիմ) և Զոնգուլդակ (Թուրքիա) քաղաքների միջև բացվել է լաստանավային հաղորդակցություն: MS Poseidon լաստանավը երկու բնակավայրերի միջև կերթևեկի շաբաթական երկու անգամ: Առաջին լաստանավը Զոնգուլդակից ուղարկվել է օգոստոսի 22-ին:
Պլանավորված է, որ այն կմտնի ոչ միայն Կերչ, այլև՝ Նովոռոսիյսկ: Փորձագետների կարծիքով՝ դա հնարավորություն կտա լուծել խնդիրների մի մասը՝ կապված Կրասնոդարի երկրամասի ու Ղրիմի միջև ուղևորների ու բեռների տարանցման հետ: Ճանապարհի հաղթահարումը տևում է 24 ժամ:
