Ռուսաստանը պատասխանել է Ճապոնիայի պատժամիջոցներին
Lenta.ru-ի փոխանցմամբ՝ Ռուսաստանի ԱԳՆ-ը Մոսկվայում Ճապոնիայի դեսպան Տիկախիտո Խարադեին է հանձնել այն անձանց ցուցակը, որոնց արգելվել է մուտք գործել երկրի տարածք: Դա հանդիսանում է Տոկիոյի վիզային պատժամիջոցների պատասխանը: Այս մասին նշված է ՌԴ ԱԳՆ-ի տարածած հաղորդագրությունում:
Հայտնի չէ, թե ովքեր են ընդգրկվել Ռուսաստանի «սև ցուցակում»: Օգոստոսի սկզբին Ճապոնիան հավանության էր արժանացրել Ռուսաստանի ու Ուկրաինայի քաղաքացիների դեմ պատժամիջոցների նոր փաթեթը, որում ընդգրկվել էր 40 մարդ, այդ թվում նաև Ուկրաինայի նախկին նախագահ Վիկտոր Յանուկովիչը և Ղրիմի ղեկավարության ներկայացուցիչները:
