ԱՄՆ-ը փորձում է Չինաստանին համոզել՝ միանալու համար ՌԴ-ի դեմ պատժամիջոցներին. Պետդեպարտամենտ
Ռուսական ИТАР-ТАСС լրատվական գործակալության փոխանցմամբ՝ ԱՄՆ-ի իշխանությունները ձգտում են աշխարհի տարբեր երկրների համոզել, որպեսզի նրանք միանան Ռուսաստանի դեմ պատժամիջոցներին՝ կապված Ուկրաինայի դեպքերի հետ:
Այս մասին լիտվական ԶԼՄ-ներին տված հարցազրույցում հայտարարել է ԱՄՆ պետդեպարտամենտի կոորդինատոր Դանիել Ֆրիդը՝ տվյալ համատեքստում հիշատակելով Չինաստանը:
Երբ ամերիկացի դիվանագետին հարցրել են, թե ԱՄՆ-ից ու ԵՄ-ի անդամներից բացի, էլ որ երկրներն են պատրաստ մասնակցել պատժամիջոցներին, Ֆրիդը հայտարարել է, որ Նորվեգիան ու Շվեյցարիան:
Ֆրիդն ընդգծել է, որ այդ երկրները թեպետ չեն հանդիսանում ԵՄ-ի անդամներ, այնուամենայնիվ, սովորաբար աջակցում են ԵՄ-ի պատժամիջոցներին և դա անում են նաև տվյալ դեպքում.
«Մենք նաև բանակցում ենք Հարավային Կորեայի ու Սինգապուրի հետ, մենք խորհդակցություններ ենք ունեցել Չինաստանի հետ, և մենք շարունակելու ենք մեր խորհրդակցությունները»:
