Ռազմավիրական ճանապարհի վերականգնումը կպահանջի մոտ երկու շաբաթ. Մարգվելաշվիլի
Новости-Грузия լրատվական գործակալության փոխանցմամբ՝ սողանքի վնասած Ռազմավիրական ճանապարհը կարող է վերականգնվել երկու շաբաթ անց: Այս մասին հայտարարել է աղետի գոտի այցելած Վրաստանի նախագահ Գեորգի Մարգվելաշվիլին.
«Մեր գերատեսչություններն այսօր ասում են, որ ճանապարհի վերականգնումը տեղի կունենա մոտ երկու շաբաթ անց: Սողանքի պատճառով վնասվել է նաև Հայաստանին գազ մատակարարող խողովակաշարը: Այն կվերականգնվի շուտով:
Մեր հայ գործընկերները հաստատապես գիտեն, որ ենթակառուցվածքների վերականգնումն առաջնահերթ է մեզ համար: Նախորդ անգամ մենք շատ արդյունավետ վերականգնեցինք Հայաստանի հետ այդ հաղորդակցությունը»:
